Të pikëlluar nga dhimbja, familjarët e pilotit Donald Hoxha kanë folur mbrëmjen e sotme për mediat. Duke rrëfyer për jetën e tij, ata shprehen se 27-vjeçari kishte qenë tre ditë më parë në qytetin e tij, Kuçovë, ku dhe kishte prerë ditën e dasmës me të fejuarën dhe pritej që ata të martoheshin në muajin korrik.
Të afërmit e Hoxhës shprehen se ai kishte mbaruar studimet në Itali, ndërsa sonte në familjen e tij janë mbledhur shumë miq dhe efektivë nga reparti i Aviacionit të Kuçovës.
Togeri Hoxha u nda sot nga jeta pasi helikopteri ushtarak me të cilin po kryente stërvitje ushtarake, ra në ujërat e Liqenit të Shkodrës. Bashkë me të humbi jetën edhe Kapiten Fation Deliaj, ndërsa mbeti i plagosur Ushtari i Dytë, Gerald Baramuça.
