Një tjetër zjarr ka rënë në zonën e Korçës. Burimet bëjnë të ditur se flakët janë përhapur në një sipërfaqe me bimësi në Qafën e Qarrit në Mokër.
Në vendin e ngjarjes kanë shkuar zjarrfikëset, por terreni i vështirë në zonën e Mokrës e bën të pamundur ndërhyrjen.
Ndërkohë për zjarrin e rënë ditën e djeshme në fshatin Grabovicë, ka nisur procedimi penal për 50-vjeçarin N.B.
“Procedimi ndaj saj filloi pasi, në fshatin Grabovicë, duke djegur një sasi mbeturinash, shtetases N.B, i ka dalë zjarri nga kontrolli dhe për pasojë është djegur një sipërfaqe prej 5 dynymë vreshtë, barishte dhe shkurre”, tha policia.
Materialet i kaluan Prokurorisë pranë Gjykatës së Shkallës së Parë Pogradec, për veprën penale “Shkatërrimi i pronës nga pakujdesia”. /l.m
