Flaka Olimpike u ndez sot në qendrën e Olimpit në Greqia gjatë një ceremonie të veçntë.
Ajo do të udhëtojë për më shumë se tre muaj para mbërritjes në Korenë e Jugut më 9 shkurt.
Ajo ka lënë sot qendrën antike të Olimpit për një udhëtim të gjatë që do të përfundojë më 9 shkurt me hapjen e Lojërave të Dimrit 2018 në Pyeongchang në Korenë e Jugut.
Dielli ”ka refuzuar” këtë herë të marrë pjesë, zëvendësuar nga një mjegull e mëngjesit dhe flaka ka qenë e pamundur të ndizet nga një rreze drite në një pasqyrë parabolike ashtu si e kërkon tradita.
Kjo nuk e ka penguar ceremonialin që zhvillohet çdo dy vjet në qendrën e lojërave antike, në jug të Peleponezit.
Sportisti i parë i flakës ishte sot skiatori dhe atleti grek 24-vjeçar, Apostolos Angelis dhe i dyti ish-futbollisti ndërkombëtar koreano-jugor Park Ji-sung, 37 vjeç, që ka luajtur për Manchester United dhe Eindhoven./b.d
