Prania e Argita Berisha Malltezit në Kuvendin e foltores ku edhe mbajti fjalën e saj, pati shumë reagime pasi kjo shënon daljen e parë të një prej fëmijëve të ish-kryeministrit në një podium politik.
Ish-kreu i SHISH, Fatos Klosi në një intervistë për emisionin ‘Frontline Interview’, tha nuk e di se çfarë merite ka vajza e Berishës në PD e shtoi se problemi kryesor tani në atë parti është arrestimi i burrit të saj Jamarbër Malltezit. Sipas Klosit, ajo doli aty në emër të të shoqit pasi ai nuk flet dot se është brenda.
‘Jo nuk shoh një trashëgimi pasi pastaj do të ishte skandaloze fare. Nuk e di çfarë merite ka vajza e tij. Se di pse kishte pranuar të fliste pasi problemi kryesor i PD-së sot është arrestimi i të shoqit. Ai është një problem i madh, tregon se i shoqi ka përgjegjësi penale. Ata po ngulin këmbë se prokuroria është e gabuar. Ka bërë menaxhime administrative biznesi dhe ka arritur të fitojë aty. Doli aty në emër të të shoqit. Meqë ai nuk flet dot se është brenda, doli ajo dhe foli.’- tha Klosi.
Duke u ndalur tek aksioni i Rithemelimit me kaosin në Kuvend, Klosi tha me këtë mënyrë nuk fiton askush, e shtoi se ata që duan të qeverisin nuk mund të vijnë duke djegur parlamentin.
‘Foltorja e parlamentit më shumë i duhet opozitës se pozitës. Këta kanë nevojë që ta zgjasin sa më shumë këtë diskutim Këta po i heqin vetes mundësinë për të folur për të kritikuar. A Nuk është problemi bllokimi i mazhorancës, por këto nuk kanë logjikë në veprimet e tyre. Është bërë më e qartë pasi është ndarë në tre grupe dhe nuk po merren vesh me njëri tjetrin. Pretendohet që qeveria po e shfrytëzon grupin e Bashës.
Nuk fiton askush me këtë. Ata që duan ta marrin me forcë parlamentin , ai ka qenë ministër i brendshëm. Ky do të na qeverisë ky që do të djegë parlamentin. Këtë punë mund ta pëlqejnë ca njerëz gallataxhinj. Militantë që ua dinë për nder për atë që u ka ndodhur në jetë. Populli do të qeveriset. Kjo mënyrë që është absurde nuk e pranon Europa të imponohesh me flakadanë.’- tha Klosi.
/f.s
