Dy kandidatë për deputetë të Partisë Socialiste janë tërhequr nga kërkesat për të parë pamjet filmike të numërimit. Bëhet fjalë për ish-ministren Etilda Gjonaj dhe Xhemal Qefalinë.
Ndërkohë duket se nuk janë tërhequr ende nga kërkesat e tyre socialistët Blerina Gjylameti dhe Frrok Gjini, të cilët pretendojnë se vota e tyre është keqlexuar.
Në lidhje me këtë kërkesë të kandidatëve socialistë, reagoi më herët edhe Taulant Balla. Ai u shpreh se transparencën në këtë rast e bën Komisioni Qendror i Zgjedhjeve, prandaj u kërkoi kolegëve socialistë dhe jo vetëm të cilët kanë pretendime të tilla që të bëjnë durim.
“Transparencën në këtë këndvështrim, edhe për shkak të numrit të madh, të orëve të gjata të pamjeve filmike, më mirë sesa e ka bërë KQZ nuk e bën askush. Duroni kur ta bëjë KQZ-ja”, u tha ai gazetarëve të interesuar mbi këtë çështje.
E mesa duket fjalët e tij i kanë dëgjuar të paktën nga Gjonaj dhe Qefalia.
KLAN
