Kreu i Forumit Rinor të Partisë Demokratike, Belind Këlliçi, reagoi pas fjalës së mbajtur nga kryeministri Edi Rama në 25-vjetorin e krijimit të FRESSH-it, duke thënë se kreu i qeverisë mbajti si përherë një fjalim të gjatë, ku e vetmja gjë që tha ishte mashtrimi.
“Flet për votën njeriu që shkatërroi procesin politik. Njeriu që futi krimin për të shantazhuar për votën, përdori hashashin për të marrë votën, lekët e krimit dhe korrupsionit për të blerë votën.
Njeriu i cili refuzoi procesin politik dhe zgjedhjet edhe brenda vetë PS-së, duke u rizgjedhur në krye të partisë me referendum dhe 95.5% të votave.
Sot nuk tha asnjë fjalë për 300 mijë vendet e punës sepse dhe në atë sallë 90% e atyre në moshë pune janë të papunë. Se jo vetëm s’ka hapur asnjë vend pune, por e ka shtuar papunësinë varfërinë e mjerimin.
Sot nuk u tha asnjë fjalë të rinjve për arsimin e lartë sepse është përgjegjës për kaosin e shkaktuar. Mijëra maturantë humbën të drejtën e zgjedhjes së degës në bazë të meritë preferencës.
Mijëra maturante u shtynë drejt universiteteve private duke rritur dëshpërimin tek prindërit për të siguruar paratë e mjaftueshme për arsimimin e fëmijeve.
Qindra studentë u detyruan të ndërpresin studimet për shkak të tarifave të rritura në universitete”, u shpreh Këlliçi./a.k
