Presidenti francez Emmanuel Macron falenderoi kryeministrin e vendit Edi Rama për pritjen dje dhe sot. Në konferencën e përbashkët ai u shpreh optimist për forcimin e bashkëpunimit mes dy shteteve me një sërë projektesh drejt finalizimit dhe të tjera të planifikuara.
“Është lumturi e madhe të jem këtu pas vizitës time në 2023-in. Ministrat tanë janë takuar. Filluam në vjeshtën e 2024-ës dhe gjithçka po merr formë, politika e inovacionit dhe bashkëpunimit të shtrënguar, jam shumë i lumtur që pashë avancimin e shkollës dhe u bë fakt. Edhe Liceu Francez i Korçës, do përshpejtojmë bashkëpunimin. Vendosëm në Prill të 2024-ës kur erdhët, projekti prioritar menaxhimi i ujit, turizmi, bujqësia. Më shumë se 300 mln janë bërë tashmë, bëhet fjalë për projekte urgjence dhe për rajonin e Korçës.”
“Dua t’ju falenderoj për rizgjedhjen tuaj dhe besimin që morët. Është ky mandat që do na lejojë të vazhdojmë këto axhenda ambicioze dhe faleminderit për organizimin e samitit, për pritjen tuaj.”
Sipas Macron, rruga e Shqipërisë drejt Bashkimit Evropian është me hapa të sigurt për shkak të gjithë detyrave të realizuara vitet e fundit.
“Përtej kësaj, ne duam të shkojmë më larg dhe më fort, është vendi i Shqipërisë në BE. Dua të shpreh bindjen e plotë për ribashkimin e kontinentit. Shqipëria ka avancuar, ka bërë shumë blloqe kapitujsh të negociatave. Rruga e Shqipërisë është shumë e qartë drejt BE-së, reformat ambicioze…”
