Policia e Lezhës ka zbuluar një bazë armatimi në banesën e një 66-vjeçari. Në një njoftim për mediat, policia njofton se ka sekuestruar një arsenal armësh dhe drogë.
Në pranga ka rënë 66-vjeçari Shefki Brunga, të cilit në banesë iu gjetën dhe sekuestruan në cilësinë e provës materiale: 6 kilogramë e 300 gramë lëndë narkotike kanabis, 930 fishekë, 6 kallëpe lëndë eksplozive C-4, 7 granata difensive, 22 ndezës për granata, 99 kapsolla detonatore, pajisje metalkërkuese, kundërgaz ushtarak, 3 krehra dhe 3 aparate celulare.
66-vjeçari rezulton pronar dhe i një banese tjetër në Lurë, në të cilën policia gjeti dhe një armë zjarri pushkë gjysmëautomatike.
Brunga tashmë është arrestuar dhe do të dalë para gjykatës për 2 akuza “Mbajtja pa leje e armëve të zjarrit, armëve shpërthyese dhe municionit luftarak” dhe “Prodhimi dhe shitja e narkotikëve”.
/a.r
