Gruaja e autorit të dyshuar të plagosjes me thikë të përmbaruesit privat, Baftjar Nela, ka reaguar pas ngjarjes së rëndë.
Vjollca Camandioti ka treguar se përmbaruesi, së bashku me ndërtuesin i kishte shkuar në shtëpi në orën 07:30 dhe kishin filluar t’i binin derës me shkelma, duke i kërkuar të largoheshin.
Ajo tregon se kishin filluar të konfliktoheshin me fjalë dhe se ishin provokuar nga përmbaruesi.
“Ishte ora 07:30, ne flinim gjumë, që binte porta, i binin me shkelma se nuk kemi zile. U çua burri dhe më pas unë. I tha burri; çfarë doni?!
“Firmosni këtu se sot do ikni nga shtëpia”, tha përmbaruesi. Ndërkohë burri i tha se; ‘Ne jemi në apel, të premten kemi apeluar. Si mund të dal sot, kur ju nuk më keni njoftuar?!’.
Kaq ishte, nisën të kapeshin me fjalë. Na provokuan. Ai ndërtuesi tha; Pabuksa do ikni nga shtëpia ime”.
Burri im i thotë; “Kjo është shtëpia ime, s’më keni borxh e as nuk ju kam”. Ata i thoshin burrit; “ik o pabuks”. Më pas u nevrikosën dhe burri më tha; “ik në dhomë”. Nuk pashe më ça ndodhi”, tha ajo.
/e.rr
