Shtohet interesimi nga Serie A për Shkëlzen Gashin. Pas Torinos dhe Veronës në garën për të marrë shërbimet e 27-vjecarit ka hyrë edhe Fiorentina.
Sulmuesi shqiptar i cili ka gjetur shumë pak hapësira te Baseli në këtë sezon do të largohet nga kampionët e Zvicrës në merkaton e Janarit dhe sipas asaj që raporton faqja Fusballinfos.ch mund të jetë pikërisht skuadra vjollcë destinacioni i ardhshëm i Gashit.
Te Fiorentina futbollisti kuqezi do të gjente ish-trajnerin e tij te Baseli portugezin Paulo Sousa. Mes të dyve ekizston një raport i shkëlqyer dhe ky mund të jetë faktor më shumë që mund ta shtyjë Gashin të zgjedhë klubin nga Firence për të vijuar karrierën. Golashënuesi më i mirë i dy sezoneve të fundit në kampionatin zviceran ka një kontratë deri në vitin 2018 me Baselin dhe drejtuesit e klubit nga St Jakob Park kërkojnë të përfitojnë sa më shumë të ardhura nga shitja e tij.
Për t’u grumbulluar nga trajneri i kombëtares shqiptare Gianni De Biasi në Euro 2016, Gashi ka nevojë për shumë minuta në këmbë, minuta të cilat ai nuk po i gjen dot te Baseli me një trajner si Urs Fischer në stol, kështu që me një kalim të mundshëm te Fiorentina përvec se do të bënte hapin e madh në karrierë 27-vjecari do të kishte edhe më shumë hapësira.
Klubi vjollcë ka shfaqur interes edhe më herët për sulmuesin shqiptar ndërkohë që një tjetër lojtar i kombëtares kuqezi që kërkohet nga Fiorentina është edhe Taulant Xhaka.
Supersport