Deputeti socialist Bashkim Fino ka vlerësuar punën e Policisë së Shtetit për vendosjen e rendit publik. Sipas tij, policia i trajtonë në mënyrë të barabartë të gjithë shtetasit. Për ta vërtetuar këtë, Fino tregoi një eksperiencë personale, kur tha se ka marrë shumë gjoba për parkime të gabuara.
Ai tregoi edhe një bisedë me Tahirin pasi u gjobit nga dy police.
“Sot ne deputetët e PS marrim gjobë kur nuk e parkojmë makinën siç duhet. 300 mijë lekë gjobë kam ngrenë unë personalisht. Dy police më ndalojnë se kisha parkuar keq, më njohën kush isha por më gjobitën. Unë i’u mora emrin, ato u frikësuan kur ju thashë po marr Saimir Tahirin në telefon. E mora dhe i thashë kam këtu dy oficere, sapo më vunë një gjobë prandaj jepi një shpërblim, bravo ju qoftë se po kryejnë detyrën”- tha Fino.
