Kandidati për President të FSHF-së, deputeti socialist Bashkim Fino ka folur për për akuzat ndaj federatës, si dhe për strategjinë për të fituar më 7 shkurt.
I ftuar në emisionin “Fair Play”, Fino tha se FSHF ka shumë parregullsi, ku tregon që nga klubet që nuk votojnë, deri te raportimet në UEFA.
Më tej ai foli edhe për një takim të mundshëm me Armando Dukën, ndërsa u shpreh i sigurt se do të jetë kreu i ri i FSHF-së.
“Të gjitha parregullsitë që kemi konstatuar këto kohë ne ia kemi nisur UEFA-s duke i bërë të ditur çdo gjë. I kemi kërkuar të drejtën tonë për çdo parregullsi. Ne nuk presim nga UEFA që të bëjë zgjidhjen, por jemi ndjerë mirë që na kanë dërguar përgjigje pozitive. Përsa nuk gjej mbështetjen nga punonjësit e FSHF-së që nuk e marrin me sportivitet këtë proces. Dukës i ka takuar që të marrë në telefon. I ka falimentuar numri dhe nuk kam kontakt me të. Ai duhet të më kontaktonte dhe të më ftonte edhe në zyrë. Duhet t’i uronim njëri-tjetrit suksese. Po të kishim bërë këtë takim, do të ishte më interesante.Vij nga politika dhe jam mësuar me fushatat, por kjo është ndryshe. Nuk ka asgjë të përbashkët. Në fushatën politike ke të bësh me një numër të madh njerëzish, ndërsa në FSHF ke një numër të kufizuar. Fushata me një numër të vogël njerëzish është shumë më e vështirë sepse me më pak njerëz ka më shumë probleme. E vështirë t’iu mbushësh mendjen”. tha Fino
a.ç
