Kandidati për kreun e FSHF Bashkim Fino ka reaguar lidhur me aplikimin e disa Shoqatave në Gjykatën e Tiranës për tu regjistruar zyrtarisht, çka u hap rrugën për të votuar në garën e 7 Shkurtit.
Këto shoqata janë anëtarësuar në mënyrë të jashtëligjshme dhe zgjedhjet e shkuara kanë votuar edhe pse kanë qenë të paregjistruara, skandal ky i zbuluar së fundi.
Kandidati Fino akuzon kryetarin e PD se po ndikon në Gjykatë për regjistirmin e shpejtë të shoqatave të cilat sipas tij kanë votuar dhe janë anëtarësuar në mënyrë ilegale në Federatën Shqiptare të Futbollit
REAGIMI:
Jam i shqetësuar nga informacionet që më vijnë së fundmi, që nga Partia Demokratike dhe kreu i saj ka pasur presion te Gjykata e Rrethir Gjyqësor Tiranë, për të ndikuar te gjyqtarët mbi regjistrimin sa më të shpejtë të Shoqatave të futbollit, të cilat kanë votuar dhe janë anëtarësuar në mënyrë ilegale në Federatën Shqiptare të Futbollit. I kërkoj publikisht si Partive Politike, ashtu edhe organeve gjyqësore, që të jenë sa më të pavarur dhe të qëndrojnë larg përfshirjes në abuzimet ilegale të Federatës Shqiptare të Futbollit.
Bashkim Fino
/a.m.
