Presidenti finlandez Sauli Niinisto dhe kryeministrja suedeze Magdalena Andersson, do të diskutojnë me presidentin turk Recep Tayyip Erdogan për aspiratat e tyre për t’u anëtarësuar në NATO, të cilat janë bllokuar nga Turqia.
Palët do të zhvillojnë bisedime në kuadër të samitit të NATO-s që mbahet këtë vit në Madrid nga 28 deri më 30 Qershor. Megjithatë sipas agjencisë së lajmeve “Reuters”, Turqia nuk ka të ngjarë të arrijë një marrëveshje me vendet nordike.
“Negociatorët turq nuk shqetësohen për afatet e vendosura nga aleatët e huaj dhe janë të gatshëm të vazhdojnë për muaj të tërë nëse nevojitet që shtetet nordike të heqin embargot e armëve dhe të godasin ato që i sheh si grupe terroriste”, thonë disa burime për këtë agjenci.
Por disa zyrtarë dhe diplomatë kanë ende shpresë se mund të arrihet një marrëveshje e minutës së fundit.
Në përgjigje të luftës në Ukrainë, Suedia dhe Finlanda aplikuan për t’u anëtarësuar në NATO, por presidenti turk Rexhep Tajip Erdogan doli kundër me arsyetimin se këto dy vende nordike mbështesin grupet terroriste.
/a.r
