Filmi i metrazhit të shkurtë “Shok”, me skenar dhe regji të Jaime Donoughue së fundi ka marrë edhe një çmim. Në festivalin e filmit Manhattan Short Film Festival ky film është vlerësuar me çmimin e argjendtë, ndërkohë, prej premierës ky projekt, që ka rrëfimin me temë Kosovën, ka marrë disa çmime dhe shumë prezantime në festivale të ndryshme ndërkombëtare. Filmi është i bazuar në ngjarje të vërtetë dhe është i vendosur gjatë periudhës së luftës në Kosovë, kur vendi ishte nën okupimin e Serbisë. Këtu sprovohen kufijtë e miqësisë mes dy djemve të vegjël të cilët luftojnë për të mbijetuar gjatë luftës në Kosovë.
Në këtë film luajnë: Lum Veseli, Andi Bajgora, Melihate Qena, Aurita Agushi, Eni Cani, Armond Morina, Eshref Durmishi, Sunaj Raca, Luan Kryeziu, Astrit Kabashi, Xhevdet Jashari, Kushtrim Sheremeti, Fisnik Ademi, Besnik Krapi etj.
Ky film është i mbështetur nga Qendra Kinematografike e Kosovës dhe është prodhim i shtëpisë filmike Eagle Eye Films Kosova me producent Eshref Durmishi dhe Eagle Eye Media Ltd me producent Harvey Ascott.
