Në Iran pati premierën regjisori Majid Maxhija me një film për fëmijërinë e profetit Muhamed, filmi më i shtrenjtë në historinë e kinemasë iraniane. Superproduksioni prej rreth 40 milionë dollarë (34 milionë euro), për të cilën paratë pjesërisht janë akorduar prej shtetit, u realizua në një lokalitet në jug të Teheranit. Maxhidi tha për AFP-në se ai e bëri filmin “Muhamedi” për t’i dhënë fund imazhit negativ të Islamit në botë. Drejtori shpreson se filmi, do të shkaktojë interes të shpërndarësve të Evropës.
“Në vitet e fundit, një keqlexim i Islamit në botën perëndimore ka krijuar një pamje të dhunshme të një feje që s’ka të bëjë fare me natyrën e saj të vërtetë,” tha Maxhidi.
Për këtë “keqlexim” përgjegjës janë “organizatat terroriste të tilla si ato të shteteve islamike të cilat s’kanë të bëjnë asgjë me Islamin, e të cilat janë të ndara që me emrin e tij”, thotë drejtori 56-vjeçar iranian. Ai ka fituar tre Grand Prix në Festivalin e Filmit të Montrealit për filmin “Baran”, “Ngjyra e Parajsës” dhe “Fëmijët e qiejve” dhe është regjisori i parë iranian i cili është nominuar për Oskar me filmin “Fëmijët e qiellit”, në vitin 1997.
