Në ditën e parë të shkollës drejtoresha e arsimit parauniversitar në ministrinë e arsimit flet për vitin e ri shkollor dhe për nxënësit që e nisen rrugën e tyre drejt dijes.
“Sot 500 mijë fëmijë filluan shkollën, nga të cilët 33 mijë në klasë të parë. Kemi dhe rreth 40 mijë mësues që fillojnë punë”, thotë Zamira Gjini, drejtore e arsimit parauniversitar, MAS.
Sipas të dhënave paraprake, në sistemin privat rezultojnë rreth 47 mijë të regjistruar. Në zbatim të ligjit për gjithëpërfshirje në arsim, sa është numri i fëmijëve me aftësi të kufizuar?
“Kemi rreth 3 mijë fëmijë me aftësi të kufizuar. Kemi 315 mësues ndihmës, synojmë që këtë vit të kemi 600 të tillë”, thotë Gjini për TCH.
Për herë të parë mësuesi ndihmës në shkolla është futuar në vitin 2014. Po prioritetet e tjera afatgjata të ministrisë së arsimit, cilat janë?
“Çdo drejtues shkolle di konkretisht për cfarë ka nevojë një mësues të trajnohet, kemi hartëzim sipas nevojave sipas shkollave, që ne të ndërhyjmë ku ata kanë nevojë”, vijon Gjini./a.m.
