Ora 10:00 ishte afati i fundit ku qytetarët mund të lëviznin në këmbë, që përkon edhe me oraret kur duhet të shkojnë në punë.
Për këtë arsye nga dita e sotme shqiptarët do të mund të dalin nga banesa e tyre vetëm për 6 orë në ditë, 4 orë paradite dhe 2 orë pasdite.
Paradite 06:00-10:00
Pasdite 16:00-18:00
Qeveria kufizon më tepër daljen në rrugë të këmbësorëve pas mos përgjegjësisë të disa qytetarëve të cilët nuk zbatuan vetëizolimin në shtëpi dhe nuk respektuan orarin e vendosur ditën e hënë.
Në Bulevardin e Ri, i cili ka qenë zona më problematike përgjatë këtyre ditëve, nuk ka pasur asnjë lëvizje.
Në Durrës, qytetarët kanë respektuar rregullin e vendosur dje! Pas orës 10:00 nuk ka lëvizje të njerëzve apo xhiro në bregdet, siç u raportua një ditë më parë.
Kryeministri Edi Rama bëri të ditur se çdo njeri që do të shkelë këtë urdhër jo vetëm që do të gjobitet, por as nuk do të përfshihen në paketa e ndihmave shtetërore.
Që nga dita e hënë, 11 persona në Tiranë, Durrës dhe Vlorë janë gjobitur për shkak se kanë thyer vendimin e qeverisë duke dalë nga banesa e tyre pas orës 18:00.
g.kosovari
