Duke nisur nga sot do të zbatohet urdhri për mbajtjen e maskës me detyrim edhe në rrugë, ndërsa do të aplikohet edhe gjobë.
Në një lidhej direkte për ‘ABC e Mëngjesit’, mjeku Arben Gjata ka deklaruar se ky vendim është marrë në shumë vende të Europës dhe parandalon përhapjen e virusit.
Ai u shpreh se tani ftohen temperaturat dhe përhapen edhe më shumë virozat prandaj rreziku është edhe më i madh.
“Që ka po s’ka efekt para se t’ja bëni mjekëve tanë, mund t’ja bëni pyetjen mjekëve në Europën perëndimore. Natyrisht që mbajtja e maskës nuk siguron mbrojtje absolute, por edhe në rastin më të keq maska prej beze parandalon virusin në ajër. Në fillim është thënë që mbajtja e brrylit kur tështin për parandalimin, njëjta gjë ndodh.
Temperatura ftohet dhe virusi përhapet. Të gjithë të huajt kur na shohin, thoshin si nuk mbani ju në Tiranë mbaskat”, tha Gjata.
Më tej, ai theksoi se fillimi i marsit do të jetë një periudhe shumë kritike për qytetarët, përfshirë këtu edhe Shqipërinë.
Sipas rektorit, ky vendim nuk duhet politizuar pasi maska të kujton se kemi virusin nëpër këmbë.
“Nuk janë vendime që i marrin politikanët në Itali janë një komitet teknik që kanë italianët. Në qoftë se marrim shembull Trumpin, ishte i pari që thoshte jo dhe mbajti maskë. Nqf se shohim Boris Jonson ai i mori masat, po ashtu edhe kancelarja Merkel.
Shifrat në këto momente që flasim në vendet e Europës Perëndimore janë me fillimin e pandemisë. Fillimi i marsit do të jetë një periudhe shumë kritike për qytetarët, përfshirë këtu edhe Shqipërinë.
Nuk kemi hyrë këtu në një valë të dytë, se pandemia nuk ëhstë ndërprerë, ka vazhduar. Mos harroni që dje ishin 207 raste, mos të harrojmë që kemi një periudhë ku janë virozat.
Unë jam kirurg dhe e mbaj që 25 vjeç maskën. Edhe nuk duhet politizuar se më duket një sulm mes opozitës dhe pozitës. Mjafton mbajtja e maskës të kujton që ke covid nëpër këmb. Ne i harrojmë këto. Mos harrojmë që në verë kishim shkuma parti dhe të rinjtë e trasmetonin në shtëpi. Kam pas shumë telefonata”, shtoi Gjata.
g.kosovari
