Drejtori i INSTAT Gjergj Filipi deklaroi për News24 se kriza greke do të ketë ndikim në Shqipëri. “Nuk është mirë kur komshiu ndodhet në një krizë si kjo”, tha ai. Pasi vlerëson se sistemi bankar është i imunizuar nga goditjet, pasi bankat greke janë entitete më vete, Filip sqaron se megjithë impaktin, kriza greke nuk është në nivelet që të krijojë rreziqe.
“Deklarata e Guvernatorit të BSHsë, për të qetësuar shqiptarët. Bankat greke funksionojnë si entitete më vete. Sistemi ynë bankar është më vete, ndonëse kemi disa banka në emërtesë greke, por të mëvetësuara nga influenca e bankave mëma. Kemi gjithë të drejtën të rrimë të garantuar dhe të qetë. A do kemi ndikohemi nga kjo? Sigurisht që do kemi ndikim. Nuk është mirë që e kemi komshiun të goditur nga një krizë e tillë. Por nga ana tjetër intensiteti i marrëdhënieve me shtetin grek nuk është në nivelet që të krijojë rreziqe”, tha Filipi.
