Champions League është fiksimi i Juventusit pasi ndjeu paksa aromën e harruar të suksesit në finalen e vitit të kaluar kundër Barcelonës. E nëse finalja ishte thuajse e barabartë dhe sivjet nga Bayern u eliminua atëherë kur mendoi se ishte kualifikuar, përsëri te Juventus e dinë fare mirë se ka diferenca midis atyre që shkojnë çdo vit e pakta në gjysmëfinale. Objektivi i verës janë përforcimet dhe drejtuesit bardhezi kanë në mendje e pakta 12 emra për 6 blerje. Kaq janë lojtarët që i ka premtuar trajnerit Allegri drejtori i përgjithshëm Beppe Marotta dhe drejtori sportiv Fabio Paratici. Teksa po përpiqen të mbajnë Cuadrado e Morata nga rikthimit te Chelsea e Real Madrid përkatësisht, si dhe t’i rezistojnë tundimit të milionave për Paul Pogba, drejtuesit bardhezi po kërkojnë dy përforcime në mbrojtje, dy në mesfushë dhe dy në sulm.
Për çdo përforcim të mundshëm, klubi ka dy lojtarë në balotazh.
Mbrojtësi i djathtë: Largimi Juan Cuadrados hap një vrimë të madhe pas krahëve të Stephan Lichtsteiner. Juventus ka si objektiv kryesor Sime Vrsaljko, por nëse kroati nuk arrihet, synimi është Silvain Widmer i Udineses.
Qendërmbrojtësi: Mehdi Benatia dëshiron të largohet nga Bayern, por po flirton me më shumë se një klub. Ndaj Juve mban një sy edhe nga Shkodran Mustafi i Valencias, i cili në Itali ka luajtur me Sampdorian, me një rritje të jashtëzakonshme që nga eksperienca e parë italiane.
Mesfushori: Andrè Gomes është objektivi numër një dhe bisedimet kanë nisur, mbi bazën e 25 milionë eurove, plus bonuse. Valencia kërkon e pakta 35 milionë dhe Juve po sheh edhe nga Fernando i Sampdorias. Një objektiv ekstra mund të bëhet edhe Kovaçiç i Realit.
Fantazisti: Dëshira e vjetër është Oscar. Chelsea nuk e do më dhe është gati të largohet nga blutë, por në çdo rast është nën vëzhgim Riccardo Saponara.
Sulmues krahu: Domenico Berardi do të jetë blerja e parë, vetëm nëse Juve nuk ndërron mendje për lojtarin e Sassuolos. Shkaku mund të jetë Samir Nasri, të cilit Guardiola i ka bërë dalje nga Manchester City. Por, paga shumë e lartë e francezit mund të jetë pengesë serioze.
Qendërsulmuesi: Në këtë pozicion nuk do të ketë kursim shpenzimesh. Preferenca është Edinson Cavani, por nëse nuk bindet Paris SG, atëherë do të synohet Romelu Lukaku, në prag largimi nga Everton. Dëshira e belgut është të qëndrojë në Angli, por Juve mund ta bindë duke përmes agjentit të tij, Mino Raiola.
Calciomercato/d.i.
