Në një rrëfim në Instastory Fifi është kthyer pas në kohë. Duke ecur rrugëve të Prishtinës, ajo ka kujtuar kohën kur ishte studente, kur jeta për të nuk ka qenë aspak e thjeshtë.
Mes të tjerave këngëtarja tregon se ka qenë viktimë e bullzimit, megjithatë sot është krenare që ka arritur shumë në jetën e saj.
“Duke ecur rrugëve të Prishtinës, si një herë e një kohë kur kam qenë studente, kur nuk përtoja asnjëherë për të punuar e për të bërë diçka për jetën time. Ato momente m`u kthyen në Déjà vu, kur i thashë vetes ‘Hajd ec pak nëpër qytet, si dikur’.
Aq e vogël u ndjeva, aq e zbrazët përbrenda. Që të tjerët të ma dinë emrin e të më dëgjojnë zërin kam luftuar gjithë këto vite, e prapë m`u duk sikur s`kam bërë asgjë.
Po takoj fytyra me të cilat jam rritur dhe që dikur më kanë poshtëruar me fjalë e më kanë injoruar sikur mos të isha qenie njerëzore.
Por, unë u ndjeva krenare për veten që i kam luftuar me shpirt e me tru dhe jam ku jam sot. Në këtë rrugëtim timin s`jam rritur vetëm, por shpirtin s`ma ka bërë askush”, -ka shkruar Fifi.
g.kosovari
