Fier, vdes pasi hoqi dhëmballën
Familjarët e një 56-vjeçari kanë kërkuar hetim pasi sipas tyre ai ka gjetur vdekjen pas reaksionit të ilaçeve. Sipas policisë, Tafil Bidaj, banues në lagjen “29 Nëntori” në qytetin e Fierit ka qenë për vizitë mjekësore tek një dentist dhe pasi ka dalë prej aty, ka shkuar në një farmaci që ndodhet pranë shtëpisë së tij dhe ka blerë disa barna kundër infeksionit.
Ai kishte hequr një dhëmballë më parë, por i ishte acaruar dhe shkoi të bënte vizitë ku mori edhe recetë. Sipas familjarëve, Tafili ka marrë “Augumentin” dhe e ka konsumuar atë. Por, s’ka kaluar shumë kohë kur ai ka ndjerë sërish shqetësime. Ai ka shkuar sërish në të njëjtën farmaci dhe ka marrë një tjetër barnë që përdoret kundër alergjive apo reaksioneve.
“Edhe pse ka konsumuar dy kokrra “Incidal”, ai ka ndërruar jetë pa mbërritur në spital”, pohojnë burimet. Familjarët mësohet të kenë shpjeguar se gjatë vizitës mjekësore që kishte kryer tek dentisti i ishte injektuar anestezi lokale me qëllim që të mos ndiente dhimbje gjatë ndërhyrjes. Ata dyshojnë se përdorimi i tre lloj ilaçesh mund ti ketë shkaktuar vdekjen ndaj kërkojnë që çeshtja të hetohet. Në pyetje mësohet se janë marrë edhe farmacistja dhe dentisti
