“Nuk kam probleme me askënd dhe nuk dyshoj tek askush”, -mësohet të ketë thënë ai.
Dyshimet që Boriçi mund të ketë qene shënjestra, bëhen edhe më të forta, pasi mësohet se ai në momentet e sulmit ka qenë brenda lokalit, bashkë me vëllain dhe njerëz të tjerë të fisit, por kanë shpëtuar falë një paralajmërimi.
Burime pranë grupit hetimor konfirmojnë për “Balkanweb” se ka qenë nipi i pronarit që është kamarier aty, ai që ka vënë re lëvizjen e dyshimtë të automjetit.
Siç ka rrëfyer ai për hetimin, sapo ka dyshuar, ka bërtitur “largohuni se do na qëllojnë”. Kjo ka bërë që gjithë personat në lokal, pronari bashkë me vëllain të hyjnë në pjesën e brendshme të ndërtesës.
mbi fasadën e xhamit të lokalit u derdhën 20 plumba, ndërsa dy autorët u larguan duke e braktisur automjetin në perferi të qytetit.
Ngjarja e regjistruar paraditen e së mërkurës në lagjen “15 Tetori” ka vënë në lëvizje policinë dhe prokurorinë duke pasur parasysh të kaluarën e Agim Boriçit.
ma.me
