Policia e Fierit njofton se është arrestuar në flagrancë shtetasi me të dhëna: Ferdinant Çoku, 44 vjeç, banues në Lushnje. Shkaku i arrestimit është vjedhja e një banese. Gjatë mbrëmjes së djeshme, i arrestuari ka tentuar të vjedhë banesën e shtetasit me të dhëna: F.B, 34 vjeç, banues në Mbrostar Ura, Fier.
Shtetasi F.B e ka kapur shtetasin Ferdinant Çoku në flagrancë, duke vjedhur banesën e tij dhe për këtë arsye ka ushtruar dhunë ndaj Ferdinant Çokut. Për këtë arsye, Prokuroria ka nisur procedurat hetimore për të dy shtetasit.
Materialet proceduriale i kanë kaluar Prokurorisë pranë Gjykatës së Shkallës së Parë Fier për veprën penale “Vjedhje” e mbetur në tentativë parashikuar nga Neni 134 e 22 i Kodit Penal në ngarkim të shtetasit Ferdinant Çoku dhe për kundravajtjen penale të “Vetgjyqësisë” parashikuar nga Neni 277 i Kodit Penal në ngarkim të shtetasit F.B.
