Një grua është grabitur në Fier nga dy persona apsditen e së shtunës. Gruas i morën me forcë çantën që mbante në dorë pasi doli nga një pikë e këmbimit valutor.
Ngjarja ka ndodhur në lagjen “Apollonia” rreth orës 18:35.
Gruaja me inicialet M.J. ka deklaruar para grupit hetimor se në momentin që ka dalë nga pika e këmbimit të valutës, dy persona i kanë marrë çantën me një sasi lekësh me forcë dhe janë larguar.
Në vendngjarje kanë shkuar shërbimet e policisë si edhe është ngritur grupi hetimor i cili po punon për zbardhjen e ngjarjes, identifikimin dhe kapjen e autorëve./a.m.
