Vetëvrasjet vijojnë të trondisin vendin. Një tjetër rast është shënuar, këtë herë në Fier ku një 60-vjeçar nga fshati Hamil i ka dhënë fund jetës. Shtetasi me inicialet R.H., është gjetur i vetëvarur dje, rreth orës 13:35 në kasollen pranë banesës nga familjarët.
Nga veprimet paraprake të kryera nga grupi hetimor dhe nga eksperti mjeko ligjor dyshohet se vdekja e 60-vjeçarit është shkaktuar si pasojë e asfiksisë.
Eksperti mjeko-ligjor gjatë këqyrjes së trupit të viktimës nuk ka konstatuar asnjë shenjë dhune apo dëmtim tjetër përveç atyre të shkaktuara nga vetëvarja në litar.
Policia dhe grupi hetimor në vendngjarje po punojnë për zbardhjen e plotë të rrethanave të ngjarjes tragjike. Materialet për rastin u referuan në Prokurorinë e Rrethit Gjyqësor Fier, për vlerësim./a.m.
