Fetije Kasaj ka qënë dhe mbetet një nga vajzat më të thjeshta të sportit të peshëngritjes, kampionia e Shqipërisë për këtë sport.
Shtangën e ka lënë pas dhe tani dita e saj ndahet ndërmjet profesionit të saj të ri dhe djalit.
Ka nisur punën si police, policja më e re në Vlorë.
“Kam vëllanë polic, – shprehet ajo, – prej tij mendova dhe unë ta nis këtë punë. Vlora është vendlindja ime, këtu kam prindërit, kështu vendosa se ishte diçka normale.”
E pyetur nga Shekulli se çfarë nuk toleron në punë, ajo thotë: “Nuk toleroj shkeljet, por nuk toleroj as kundrejt femrave police, gojën e gjatë të njerëzve. Përdoret një fjalor jo i hijshëm ndaj nesh. Thërras skuadrën, nuk mund t’ia dal vetëm. Është më mirë kështu. E teprojnë jo vetëm çunat, por edhe femrat. Kujtoj se para pak ditësh në stadium, femrat përdornin fjalor më të pahijshëm sesa meshkujt (Qesh). “
Po për projektet e saj të ardhshme? Fetia thotë: “Të punoj, por edhe qëllimi im i vetëm është rritja e djalit. Nuk dua që ai të ndihet keq nga një nxitim që unë dhe i atij bëmë. Dua që ai të jetë i lumtur përherë.”
*Tema
