Pak orë pas arrestimit të Erion Veliajt, një grup militantësh të opozitës u vendosën para burgut ‘Mine Peza’ për të festuar sipas tyre këtë zhvillim.
Nga pamjet e shpërndara në media, me altoparlant ata kanë kërcyer me këngën “Ra faja prej fiku”.
Lidhur me këtë ngjarje Policia ka nisur procedimin për 8 militantët e PD nën akuzën se kanë prishur rendin publik dhe kanë penguar punën e policisë në hyrje të komisariatit në fjale.
Policia njofton sot se:
Specialistët për Hetimin e Krimeve të Komisariatit të Policisë Nr. 3 referuan materialet në Prokurori ku nisi procedimi në gjendje të lirë për veprat penale “Prishja e qetësisë publike” dhe “Mosbindja ndaj urdhrit të punonjësit të policisë”, për shtetasit S. L., E. V., M. D., B. L., A. K., K. M., A. B. dhe A. K., pasi më datë 11.02.2025, rreth orës 00:30, në rrugën “Mine Peza”, kanë prishur qetësinë publike dhe nuk iu janë bindur urdhrave të punonjësve të Policisë, për t’u larguar.
