U mbajt sot konferenca e parë e shtypit e Festivalit të 54-t të Këngës në Radio Televizionin Shqiptar raporton ATSH.
Në konferencë morën pjesë stafi drejtues i këtij edicioni dhe Drejtori i Festivalit, Martin Leka, i cili premtoi për të bërë të pamundurën për një festival edhe më të mirë.
Drejtori artisitik Elton Deda në fjalën e tij tha: “në edicionin e 54-t të Festivalit të Këngës në RTSH janë përzgjedhur 30 këngë, nga 70 që u paraqitën para komisionit përzgjedhës”.
Festivali do të mbahet në 3 netë, në datat 25,26 dhe 27 dhjetor. Në dy netët e para do të performojnë 15 këngë nga të cilat do të përzgjidhen 9 këngë për çdo natë, për në natën finale. Nata finale do të ketë 18 këngë.
Stafi artistik i festivalit është menduar që këtij festivali mos t’i mungojë përfaqësimi i të gjithë brezave të artistëve si kompozitorë, tekstshkrues, këngëtar, etj. Gjithashtu do të ketë dhe një larmi të madhe për sa i përket zhanreve muzikorë. Pra festivali në të gjithë komponentët e tij të jetë i gjerë dhe i larmishëm.
Për numrat artisitk që do të realizohen në festival jemi duke diskutuar dhe punuar së bashku me stafin, ku sigurisht do ketë disa numra specialë për disa artist, që janë ndarë nga jeta si dhe në natën finale të ftuar specialë që mund të jenë jashtë Shqipërisë”.
Stafi i Festivalit të 54-t:
Elton Deda – Drejtor Artistik
Edmond Zhulali – Producent muzikor
Sokol Marsi – Producent muzikor
Pandi Laço- Skenarist
Bledi Laço – Regjisor
Pas konferencës së shtypit u hodh shorti i rradhës së këngëtarëve sipas netëve përkatëse:
Nata e parë:
1 – Egzon Pireci
2 – Grupi Simbol
3 – Voltan Prodani
4 – Adrian Lulgjuraj
5 – Sigi Bastri
6 – Dilan Reka
7 – Luis Ejlli
8 – Nilsa Hysa
9 – Edea Demaliaj
10 – Erga Halilaj
11 – Florent Abrashi
12 – Teuta Kurti
13 – Kozma Dushi
14 – Aslajdon Zaimaj
15 – Egert Pano
Nata e dytë
1 – Kristi Popa
2 – Rezart Smaja & Klodian Kacani
3 – Grupi “Revolt Klan”
4 – Jozefina Simoni
5 – Andi Tanko
6 – Niku & Entela Zhula
7 – Genc Tukici
8 – Evans Rama
9 -Besa Krasniqi
10 – Enxhi Nasufi
11 – Flaka Krelani
12 – Renis Gjoka
13 – Lind Islami
14 – Enada Tarifa
15 – Klajd Musabelliu
ATSH
