Gazetari Milaim Zeka ishte i ftuar në një program televiziv ku u diskutua për festat e 28-29 nëntorit si dhe për zhvillimet në Shqipëri dhe në Kosovë.
Zeka u shpreh që fillimisht ishte planifikuar që pavarësia të shpallej në Shkup pasi atëherë Shkupi ishte qyteti me më së shumti shqiptarë.
“Ne pavarësisht se kemi qenë të ndarë edhe pavarësisht se kemi jetuar në një regjim tjetër, dua të them që gjithmonë 28 nëntorin shqiptarët në Kosovë, Maqedoni, në Mal të Zi, Preshevë, Bujanovc gjithmonë e kemi festu dhe gjithmonë ka qenë një festë e madhe edhe për ne që kemi qenë në Diasporë.
Nuk kemi harruar asnjë moment që ta themi një fakt historik që fillimisht ishte planifikuar që pavarësia të shpallej në Shkup, në qytetin me më së shumti shqiptarë në atë kohë që kishte më shumë shqiptarë në Shkup në atë kohë sesa në Tiranë e në Prishtinë.
Pastaj tentimi i dytë është bërë në Durrës, pastaj edhe në Durrës për shkak të forcave serbe për shkak të sulmeve nuk arriti Ismail Qemali ta shpallë pavarësinë. Dhe më tepër është bërë kjo, pasi në Durrës nuk ekziston ajo makina telegrafike për të komunikuar dhe në fund u zgjodh Vlora’’, tha ndër të tjera Zeka./m.j
