Ferrari zyrtarisht ka pensionuar modelin FF dhe së fundmi ka prezantuar pasardhësin e tij, modelin GTC4 Lusso. I ngjashëm me modelin FF, GTC4 Lusso ka adoptuar një dizajn revolucionar. Pasardhësi i FF-it ka ndryshime në mbrojtëset e para, derisa ka dy sete të dritave, për dallim prej modelit të vjetër që kishte vetëm një set.
Motori i modelit të ri është 6.2-litra V12 me 680 kuajfuqi. Përforcimi i motorit ia ka mundësuar veturës që shpejtësinë nga 0 në 100 kilometra në orë ta arrijë për 3.4 sekonda. Shpejtësia maksimale mbetet e pandryshuar, 335 km/h. Ferrari GTC Lusso zyrtarisht do të prezantohet në fillim të muajit mars në Gjenevë dhe pritet të jetë më i shtrenjtë se modeli FF.
