Feronikeli ka arritur të shpallet kampion i Kosovës tre javë para përfundimit të saj, duke e mposhtur në fushën e vet Gilanin.
Sot u zhvilluan ndeshjet e xhiros së 30-të, te cilat paten shume gola, raporton Koha.net.
Feronikeli është shpallur kampion pasi mposhti Gilanin me rezultat prej 0-1, dhe në anën tjetër Hajvalia u mund nga Besa.
Astrit Thaçi ka shënuar golin e vetëm në këtë ndeshje, për ta shpallur kampion Feronikelin për herë të dytë radhazi.
Feronikeli shpallet kampion pasi tani është 10 pikë para vendit të dytë Hajvalia, kur janë në lojë vetëm edhe 9 pikë.
Fitoren më të thellë e shënoi Trepça 89’, e cila e mundi Lirinë me rezultat prej 6 me 0. Në këtë ndeshje shkëlqeu Adeleke Akinyemi, i cili shënoi tre gola, kurse dy golat e tjerë u shënuan nga Pefqeli e Hajdari.
Prishtina shënoi fitore 2-3 në ndeshjen e udhëtimit te Vushtrria. Labinot Osmani ka shënuar 2 gola në këtë ndeshje, kurse golin e tretë e ka shënuar Lushtaku. Vushtrria arriti të ngushtojë epërsinë në 2 me 3. Daut Maxhuni e Granit Haliti shënuan për ekipin vendas.
Kurse Llapi ka mposhtur Drenicën, e cila seriozisht rrezikon të bieri nga liga. Llapi fitoi me rezultat prej 3-1. Besa befasoi Hajvalinë duke e mposhtur me rezultat prej 3-2, me ç’rast Hajvalia humbi luftën për titull të Superligës. (b.an)
