Trajneri i Portugalisë, Fernando Santos pas eliminimit të ekipit të tij nga Botërori Rusia 2018 ka komentuar edhe të ardhmen e Cristiano Ronaldos me kombëtaren portugeze.
Ronaldo, 33 vjeçar, ka udhëhequr Portugalinë drejt sukseseve, megjithatë nuk dihet nëse ai do të jetë i gatshëm për Botërorin 2022 që do të mbahet në Katar, transmeton Koha.net.
“Cristiano ka ende shumë për t’i dhënë futbollit dhe shpresoj se ai do të qëndrojë që t’i ndihmojë lojtarët e rinj të rriten e të zhvillohen.
Kemi një ekip me shumë lojtarë të rinj dhe sigurisht se të gjithë duam atë me ne”, është shprehur Santos.Portugalia u eliminua nga Uruguai në 1/8 së finales, pasi humbi 2 me 1. (b.an)
