Pablo Escobar ishte një lord famëkeq i drogës, i cili në kulmin e karrierës së tij, furnizoi rreth 80% të SHBA me kokainë.
I njohur si “Mbreti i Kokainës”, ai ishte krimineli më i pasur në histori, me një pasuri të llogaritur prej 30 miliardë dollarë në vitet ‘90, dhe rreth 50 miliardë dollarë që i kishte groposur në fusha të ndryshme të Kolumbisë.
Ai bëri aq shumë para sa që shpenzonte $1000 në javë vetëm duke blerë llastik gome për t’i mbështjellë grumbujt e parave.
Kështu, pasi kishte shumë pará dhe po kërkohej nga shteti, ai vendosi që t’i groposë disa prej parave të tij nëpër gjithë Kolumbinë. Vendi i çdo grumbulli të parave ishte i njohur vetëm nga Pablo dhe tre bashkëpunëtorët e tij më të ngushtë.
Kur ai u vra, vendndodhja e këtyre parave vdiq së bashku me të. CIA thotë se janë rreth 100 grumbuj të tillë të parave që ende janë për t’u zbuluar dhe thuhet se secili përmban deri në një miliardë dollarë.
Por, një nga grumbujt e tij duket të jetë zbuluar. Jose Mariena Cartolos, një fermer 65-vjeçar, kohët e fundit zbuloi diçka nën këmbët e tij. Ai zbuloi disa konteinerë të kaltër të cilët duket se përmbanin diçka të pabesueshme brenda.
Jo qindra, qindra mijëra apo miliona. Ky 65-vjeçar gjeti një nga grumbujt e parave të Pablo Escobarit, që përmbante plot 600 milionë dollarë, transmeton lajmi.net.
Ende nuk është e qartë se çfarë do të ndodhë me paratë, por ka shumë spekulime se Jose Mariena Cartolos nuk do të lejohet që t’i mbajë ato, që me shumë gjasë se do t’i mbesin shtetit për t’u përdorur për çështje financiare dhe programe ekonomike.
