Fermerët belgë janë duke u përplasur me policinë, teksa protesta e tyre në qendër të Brukselit ka agravuar.
Rreth 300 traktorë u rreshtuan në qendër të qytetit dhe Rue de la Loi u bllokua nga fermerët. Nën tingujt e muzikës dhe parullave, fermerët ngritën barrikada me pleh organik dhe goma.
Police using water cannon to extinguish fires as farmers protest outside a meeting of EU agriculture ministers in Brussels. Tractors line the streets. pic.twitter.com/1rUgAKmpXb
— Rosie Birchard (@RosieBirchard) February 26, 2024
Policia tentoi të bllokonte kalimin e fermerëve duke hedhur ujë për shpërndarjen e tyre, por ata thyen kangjellat dhe iu afruan godinës ku sot do të mblidhen ministrat e Bujqësisë të 27 vendeve anëtare të BE-së.
Më pak se një muaj pas atij që u cilësua si një mobilizim “historik” bujqësor në kryeqytetin belg, zhvilluar më 1 shkurt, kur më shumë se 1300 traktorë vërshuan rrugët e lagjes evropiane, sot fermerët po kthehen për të shprehur zemërimin e tyre për mungesën e përgjigjeve konkrete nga autoritetet evropiane.
Στις Βρυξέλλες οι αγρότες #farmersprotest #brussels pic.twitter.com/gXnF1wkfdJ
— Eirini Zarkadoula (@ezarkadoula) February 26, 2024
Siç raporton gazeta belge Le Soir, demonstrata e sotme përfshin sindikatat bujqësore nga Wallonia dhe Flanders (pjesët jugore dhe veriore të Belgjikës), si dhe fermerë nga Franca, Italia, Spanja, Gjermania dhe Luksemburgu.
Ain’t no party like a CAP party #Monday #Brussels pic.twitter.com/unpddWRhGs
— Robert O’M (@ipcress) February 26, 2024
