Fermerët e Lushnjës dhe gjithë zonës së Myzeqesë, janë grumbulluar paraditen e sotme për të mbajtur protestën e tretë brenda një muaj, ku kërkojnë plotësimin e kërkesave të tyre nga ana e qeverisë.
Vendi ku janë mbledhur protestuesit është Rotondoja e Savrës. Edhe më herët fermerët kanë kërkuar plotësimin e kërkesave të tyre që vijojnë si më poshtë:
1) Subvencion i drejtpërdrejtë për njësi prodhimi tek fermeri
2) Vlerësim e kompensim financiar me çmim dysheme në raste të humbjes së prodhimit dhe fatkeqësive natyrore
3) Ndërhyrja në paketën fiskale të vitit 2020 ku TVSH të jetë e njëjtë si në shitje dhe ne blerje
4) Garantimi i shërbimit të ekstensionit nga ministria e bujqësisë dhe laborator analizash për produktet
5) Qeveria arbitër mes palëve tregtuese-fermerë për rregullimin e tregut.
