SPANJË– 7 shqiptarë u arrestuan nga policia spanjolle gjatë një operacioni për trafik droge në Valencia, ku ndër të tjera raportohet se humbi jetën edhe një 25-vjeçar, i cili po tentonte të arratisej.
Sipas mediave spanjolle, 25-vjeçari humbi jetën pasi u rrëzua nga çatia e fermës ku kultivohej kanabisi, por teksa po largohej më vrap ra nga lartësia.
Mediat spanjolle nuk japin të dhëna mbi identitetin e viktimës, por bëjnë me dije se grupi i të arrestuarve ishin të gjithë me origjinë shqiptare.
Agjentët zbuluan pas kontrolleve në pjesën e brendshme të ndërtesës një fermë industriale droge, ku kultivohej marijuanë.
Shqiptarja.com
