Ronaldo Nazario de Lima, ose siç njihet ndryshe Ronaldo ‘fenomeni’, është shtruar në një spital në Ibiza për shkak të pneumonisë.
Legjenda braziliane e futbollit, e cila ka luajtur me skuadrat më të rëndësishme në Europë, si Inter, Milan, Barcelona dhe Real Madrid, thuhet se po merr një mjekim intensiv nga mjekët.
Në mesnatën e të premtes ishte kërkuar nga Ibiza një transferim në spitalin privat të quajtur Clinica Nuestra Senora del Rosario. Më vonë u zbulua se ai ishte Ronaldo, që tani sipas “The Sun” po bën një përparim të mirë.
Gjithsesi mjekët kanë refuzuar të japin më shumë informacion për arsyen e “privatësisë”.
Ronaldo zotëron një shtëpi në Ibiza dhe çdo vit është një pushues i rregullt i ishullit. Ai thuhet se kishte mbërritur aty që prej disa ditësh.
a.ç
