Profesoresha nga Universiteti turk Omu, Aliye Ozenoglu, pohon që akullorja me bazë të qumështit është shumë e dobishme për zhvillimin e fëmijëve, sidomos për ata që refuzojnë të konsumojnë qumësht dhe produkte të qumështit.
Në një deklaratë për Agjencinë Anadolu, Ozenoglu thekson se akullorja është shumë më e dobishme dhe një ushqim më i mirë shëndetësor se ëmbëlsirat si çokollata apo karamelet.
“Akullorja është produkti më i pasur qumështor me proteina. Prandaj ajo është shumë e dobishme për zhvillimin e fëmijëve. Akulloret të cilat prodhohen sipas standardeve të higjienës dhe ruhen në kushte të rekomanduara janë ushqim me konsumimin e të cilit u ndihmojmë fëmijëve tanë,” përfundoi Ozenoglu.
Duke vënë në dukje se me konsumin e moderuar të akulloreve mund të parandalohen edhe disa infeksione në zgavrën e gojës, Ozenoglu pretendon se përdorimi i saj është i dobishëm edhe për të moshuarit, sepse është e pasur me kalcium dhe forcon indet e eshtrave.
