E përditësuar/ Policia ka zbardhur detaje të reja në lidhje me incidentin e ndodhur në fshtatin Topojan, ku fillimisht u raportua se fëmija ishte dogitur në kokë me sopatë.
Mësohet se fëmija 3 vjeçar ka qenë pranë të atit të tij, i cili po priste dru me sopatë.
“Shkak i ngjarjes mësohet se ka qenë momenti kur babai i fëmijës po priste dru dhe një nga ashklat e ka goditur në kokë fëmijën që ishte aty pranë.”- shkruan në njoftim policia.
Aktualisht fëmija është transportuar me helikopter në drejtim të Tiranës për një mjekim më të specializuar.
Njoftimi i policisë:
Në orën 13:30 të ditës së sotme në urgjencën e spitalit rajonal paraqitet me urgjencë fëmija me inicialet M.Ç, 3 vjec nga fshati Topojan i rrethit Bulqizë me dëmtime të rënda në kokë. Urgjenca ka njoftuar policinë dhe kjo e fundit ka nisur hetimet.
Shkak i ngjarjes mësohet se ka qenë momenti kur babai i fëmijës po priste dru dhe një nga ashklat e ka goditur në kokë fëmijën që ishte aty pranë.
