Korçë- Një ngjarje e rëndë ka tronditur sot Korçën dhe mbarë opinionin publik.
Një nënë ka lindur fëmijën e saj dhe e ka futur në valixhe duke i shkaktuar vdekjen.
Më pas ajo e ka vendosur valixhen në dollap.
Bashkëshorti është kthyer nga emigracioni ku qëndronte prej një viti.
Ai ka konstatuar erën e rëndë në dollap dhe ka hapur valixhen ku ka gjetur foshnjën e dekompozuar.
Pas asaj që ka konstatuar Klodi Asimmllari ka bërë kallëzim në Komisariatin e Policisë Korçë duke deklaruar se ka gjetur në banesën e tij, në lagjen nr. 15, një foshnjë të pajetë.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme.
Burri ka deklaruar se foshnja nuk i përket atij pasi kishte rreth një vit që nuk vinte në shtëpi. Gjithashtu çifti ka edhe një djalë autik 15 vjeç.
Grupi hetimor po punon për sqarimin e rrethanave dhe dokumentimin e plotë të kësaj ngjarjeje.
NJOFTIM PËR SHTYP
Korçë/Informacion paraprak
Në orët e para të mëngjesit të sotëm, shtetasi K. A., (emigrant në Greqi) ka bërë kallëzim në Komisariatin e Policisë Korçë, se ka gjetur në banesën e tij, në lagjen nr. 15, Korçë, një foshnjë të pajetë.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme.
Grupi hetimor po punon për sqarimin e rrethanave dhe dokumentimin e plotë të kësaj ngjarjeje.
/a.r
