Ricky Martin ka lajmëruar zyrtarisht fejesën e tij me artistin arab Jëan Yosef në emisionin e Ellen DeGeneres. Këngëtari nga Puerto Rico , i cili u shfaq si homoseksual në vitin 2010, tregoi me krenari unazën e tij në programin e mëngjesit.
Fituesi i çmimit Grammy tha se kishte rënë në dashuri me 32 vjeçarin e lindur në Siri, të cilin e njohu një viti më parë përmes pikturave të tij konceptuale.
“Pashë artin e tij dhe u çmenda pasi më pëlqen shumë ajo që bën ai. Shumë origjinale. Më pas e kontaktova,” u shpreh Ricky për Ellen.
Martin tha se ishte nervoz kur i propozoi Jëan. Në fillim i deklaroi se kishte diçka për të dhe nuk e pyeti “a do të martohesh me mua?”. Më pas Yosef i tha” Po. Dua ta kaloj pjesën tjetër të jetës me ty”, citohet Express. (b.an)
