Analisti Preç Zogaj nëpërmjet një lidhje skype për emisionin ‘Breaking’ me gazetaren Fiori Dardha në Top News foli për Federatën Opozitare të formuar së fundmi nga grupi i Rithemelimit dhe 11 parti të tjera përballë qeverisë Rama.
‘’Ky bashkimi mekanik nuk e zmadhon opozitën, e mban aq sa është madje edhe më të vogël. Shumica dërrmuese e qytetarëve në Shqipëri sipas shumë sondazheve rreth 60%, janë të pakënaqur me qeverinë. Ndërkohë 37% janë të kënaqur me Ramën. Por cili është ndryshimi, këta 37% të Ramës janë në kuti, ndërsa të opozitës janë të hallakatur sepse ka një elektorat shumë të madh që nuk e gjen veten tek këto subjekte. Nëse do kalohet nga lufta brenda llojit tek gjendja e konkurrencës e subjekteve politike të ndryshme’’- tha analisti.
‘’Të jesh kundër SPAK-ut do të thotë të jesh kundër Amerikës. Ka opozitë në Shqipëri që është për problemet themelore të qytetarëve, për çështjet e demografisë që është problem. Opozita ka një numër të pafund problemesh që mund t’i kthejë në opsione’’- shtoi Zogaj.
Sipas analistit, duhet që federata opozitare të dalë me një opsion për Reformën Zgjedhore dhe një kandidat për kryeministër që është i gjithëpranuar nga palët.
“Këta, mund të institucionalizojnë një marrëdhënie të tillë, të dalin me një opsion për Reformën Zgjedhore dhe një kandidat të gjithëpranuar për kryeministër, në shembullin e një përvoje që para disa vitesh, Italia e ka shteruar me shumë sukses’’- argumentoi Zogaj.
/f.s
