Federata Siriane e Futbollit synon të emërojë ish-trajnerin e Chelsea-t José Mourinho-n si trajnerin e ekipit të saj kombëtar, njoftuan mediat britanike, cituar nga BETA.
Mourinho është pa punë që nga dhjetori i fundit kur shkarkua nga Chelsea për shkak të rezultateve të dobëta, për arsye se ekipi nën drejtimin e tij në 16 ndeshjet e para në Premier League pësoi plot nëntë humbje.
Siç u tha në Sitin Gol, Federata e Futbollit të Sirisë do t’i dërgojë një ofertë zyrtare Mourinho për të marrë përsipër drejtimin e ekipit kombëtar.
“Pas mbledhjes që pati Kryetari i Federatës së Futbollit të Sirisë Salahudin Ramazanit me zyrtarë të lartë të Federatës, është vendosur që trajnerit José Mourinho t’i dërgohet një ofertë zyrtare për të marrë përsipër ekipin kombëtar sirian”, tha Shoqata e Futbollit i Sirisë, në faqen e saj në Facebook.
Mediat britanike kohët e fundit kanë raportuar se Mourinho ka nënshkruar një marrëveshje paraprake me Manchester United, por në ditët e fundit ka spekulime se trajneri Louis van Gaal do mbetet ende në Old Trafford edhe për sezonin e ardhshëm.
