Fushata elektorale nuk mund t’i shpëtonte ironisë së lundërtarëve të internetit. Herë e bazuar në fakte e herë në gafat që vetë politikanët bëjnë, rrjetet sociale po mbushen dita-ditës me fotografi të shoqëruara nga komente te ndryshme mbi to.
Në fotot e mëposhtme, përdoruesit e Facebook sjellin kreun e Partisë Demokratike, Lulzim Basha, duke e vënë në shënjestër për mungesën e tij në fushatën e Tiranës. Pavarësisht strategjisë që mund të ndjekë Partia Demokratike, për ta lënë z. Kosova të lirë nga politikanët e vjetër, qytetarëve u ka bërë përshtypje mungesa e Bashës në Tiranë duke qenë se ai është edhe kreu aktual i Bashkisë më të madhe të vendit.
Nga ana tjetër, po në Facebook ka nisur të shpërndahet fotografia e Erion Veliajt dhe një frazë e cilësuar si gafë e tijë paraditen e së premtes, ku veliaj u shpreh se: Ne kemi vetë kalamaj në shtëpi.
Në fakt, z. Veliaj ka më pak se një vit i martuar dhe nuk ka fëmijë.
Këto dy foto po shpërndahen me shpejtësi marramendëse gjatë së shtunës.
