Katër pjesëtarë të një familje kanë vdekur në përpjekje për të shkuar drejt ëndrrës së tyre në Britaninë e Madhe. Ngjarja e rëndë ndodhi pasi anija me të cilën ato po udhëtonin u mbyt.
Viktimat janë babai Rasoul Iran-Nejad, 35 vjeç; nëna Shiva Mohammad Panahi, 35 vjeçe; vajza Anita, 9 vjeçe dhe djali, Armin 6 vjeç. Ndërkohë autoritetet nuk kanë gjetur ende fëmijën e vogël të çiftit, Artinin.
Ngjarja e rëndë ndodhi të martën teksa familja sëbashku me 15 persona të tjerë po përpiqej të linte Francën për të shkuar në Britani. Të gjithë emigrantët e tjerë janë dërguar në spital dhe është nisur një hetim për ngjarjen e rëndë.
Familjarët e 4 viktimave kanë mbetur të habitur dhe të dëshpëruar nga gjithë kjo situatë. Ata janë në pritje të lajmeve për fëmijën e vogël. Familja ishte nga një qytet në perëndim të Iranit, pranë kufirit me Irakun.
Sipas BBC, gruaja të shtunën kishte shkruar disa mesazhe ku fliste për rrezikun e kalimit të Kanalit, por në përfundim thoshte se “nuk kishte zgjidhje”.
“Nëse duam të ikim me kamion do të na duhen më shumë para seç kemi”, thuhej në një mesazh.
“Kam një mirë pengje në zemër dhe tashmë që lashë Iranin dua që ta harroj të kaluarën time”, thuhej në një tjetër. Vëllai i Nejad, Aliu, tha se askush nuk e di se çfarë ka ndodhur me fëmijën e vogël.
“Disa thonë që është gjallë, disa se ka vdekur. Jemi konfuzë. Familja jonë është e dëshpëruar. Babai, nëna dhe motrat vetëm qajnë”, tha ai. Vëllai tha se familja kishte paguar një shifër të larë parash për të shkuar në Mbretërinë e Bashkuar.
g.kosovari
