Eno Bozdo, anëtari i Këshillit Kombëtar të demokratëve deklaron se e ardhmja e PD është në rrezik absolut.

I ftuar në ‘Politiko’, Bozdo ka renditur të vërtetat që do të nxjerrin PD nga Kriza. Ndërkohë, gjatë fjalës së tij ka ndërhyrë edhe deputeti Ervin Salianji , i cili tha se aktualisht brenda PD-së kemi të bëjmë me një krizë besimi.

Bozdo: PD shërohet vetëm nga e vërteta. Ka palë që e dinë kush është e vërteta se kemi qenë prezent. Kriza në PD ishte shumë e rëndë. Situata kritike në PD ekzistonte edhe sikur dy zotërinjtë do ishin bashkë. Kam qenë kritik me këtë gjë.

Në situatën ku jemi nëse do merremi me çështjen është personale lëvizja e Berishës apo jo, është diskutim pa vlerë.

Të gjitha gjërat kanë elementë të fortë personal. Këtu ka edhe një element politik. Shoh një shqyerje të madhe me çfarë mendon baza.

Ata që kanë qenë në stadium, nuk janë me Berishën të gjithë, ata shkojnë se duan se PD duhet ndryshuar. Rreziku më i madh është çarja e PD.

E ardhmja e PD është në rrezik absolut. PD po nuk i ktheu sytë nga shtresa e mesme, gri nuk fiton vetëm me votat e saj. Kjo ka qenë e vërtetë që pas ’92.

Ne duhet shkojmë në zgjedhje ku të diskutohet lidershipi. Basha, Berisha ose dikush tjetër.

Salinji: Kjo është krizë besimi.