Familjarët takojnë Nishanin: Vajzën nga e vranë dhe grabitën!
Çështja e 32-vjeçares që ndërroi jetë në aksident disa ditë më parë në aksin Kavajë-Rrogozhinë ka përfunduar deri në Presidencë. Kanë qenë të afërmit e viktimës që ditën e sotme kanë zhvilluar një takim me kreun e shtetit Bujar Nishani.
Mësohet se gjatë takimit me Presidentin Nishani, familjarët e Bujana Bushit i kanë shprehur shqetësimin për zhdukjen e 100 mijë eurove, që sipas tyre kishte me vete 32-vjeçarja kur ndodhi aksidenti.
Familjarët kanë ngritur akuza ndaj policisë rrugore në Kavajë për fshehje të aksidentit, vjedhje të parave si dhe të sendeve personale që viktima kishte me vete. Në këtë mënyrë familjarët dyshojnë se vajza mund të jetë grabitur dhe vrarë.
Ata pretendojnë se policia ka tentuar ta fshehë aksidentin, duke mos dhënë detaje për mënyrën se si ndodhi ngjarja si dhe të faktit që policia ka deklaruar se Bujanës i janë zhdukur të gjitha sendet personale.
