Puthja mund të jetë shumë gjëra: e ëmbël, e dashur, intensive dhe e pasionuar.
Por a e keni ditur se puthja është e mirë edhe për shëndetin tuaj? Puthja mund të jetë gjithashtu edhe një lirues i hormoneve, një mini-ushtrim dhe një rregullues i humorit.
Shkencëtarët kanë dëshmi se puthja ndikon në një spektër të gjerë të proceseve psikologjike për të rritur imunitetin tuaj dhe lidhjen tuaj me partnerin, transmeton Gazeta Express.
Kështu, sipas shkencëtarëve, ja pse është e mirë puthja:
1. Është e mirë për dhëmbët tuaj
Sipas dentistit Dr. Heidi Hausauer, puthja rritë rrjedhën e pështymës. Kjo në kthim e mban gojën dhe dhëmbët të shëndetshëm duke i hequr mbetjet e ushqimit.
2. Forcon sistemin imun
Njëjtë si pështyma që ndihmon në higjienën orale, puthja mund të forcojë sistemin tuaj imun. Ka më shumë se 700 lloje bakteresh në gojën e njeriut – dhe asnjëra nuk janë të njëjta. Studime të ndryshme kanë treguar se të kesh një sasi të ndryshme të baktereve në trupin tonë ndikon në një shëndet më të mirë, transmeton Gazeta Express.
3. Largon ankthin
Puthja ka treguar se ulë prodhimin e hormoneve të stresit dhe rritë serotoninin – një përbërës përgjegjës për mirëmbajtjen e balancës së humorit. Është treguar gjithashtu se puthja ka përfitime të njëjta me meditimin, për shkak të aftësisë për të lëshuar oksitocin, të njohur gjithashtu edhe si “hormoni i dashurisë”. /b.d
